مسلط بن شعيفان والهجن الاصايل

[Gazzaz]

بسم الرحمن الرحيم

اخواني واخواتي اعضاء هاذا المنتدى الغالي

حبيت اتكلم بنبذهـ عن المتحد وعن الهجن الذي يملكها الشيخ مسلط بن شعيفان ابوثنين

ارتبط اسم ابوشعيفان بالاصاله فهو من ينقل الطير الطيب ويقني الذلول الاصيله

غير الكرم والشجاعه والصفات الطيبه .. الكلام عن ابوشعيفان يطول

لاكن انا حبيت اتكلم عن محور جهن ابوشعيفان منها المتحد وانتاجه والفايزة والحساس

فالمتحد طلب في الامارات قبل شهر تقريبأ

لأخذ تحاليل منه حفاظأ على السلالات الطيبة من الهجن الاصايل

أن دل انما يدل على اصالة المتحد وعلى اهتمام اهل الامارات بالهجن الطيبة

من بنات المتحد الزعفرانيه

التي قال فيها ابوشعيفان

ياسعيد ماشفت ركض الزعفرانيه=الي ترى حايلك ياسعيد خالتها
الهرش فيها وفيها السر فيتيه =ومن ديرة حميد بركي جبت جدتها
ولاجبتها من حلال عقيل مشريه=تعرف وابن صافيه يعرف سلالتها
سلالت(ن) بينه ماهيب مخفيه =والسبق لاحضرت فالشوط عادتها
ياسعيد انا ناويلي فالعرب نيه = ان كان ربي على ذالسبق ثبتها
مابيع بيع المشفح والسفرتيه=الي تبيع الاصايل دون قيمتها
راعي الاصيله تجي اسعاره خياليه=يرفع ثمنها ولا يفرح ببيعتها
اما الرديه بضاعة خايب النيه=تنباع للشيخ لانجحت وساطتها

.
.
الى اخر القصيدة

.
.

ومن انتاج المتحد أيضا فتنه و سلام والمتحد والمتحده وكلها انتاج المتحد

ولها صولات وجولات في ميادين الهجن فالخليج ...

والفايزة والحساس من هجن ابوشعيفان من الهجن السبق ربما الاعلام هناء لاينصف الهجن

ولاكن واجب علينا ان ننصف الذي يستاهل ان ننصفه

اليكم هاذا الرابط وسترون فيه الذي ينومس ويستاهل ان نبحث عنه

مجرد الدخول على هاذا الرابط راح تبان كل المقاطع


.

.

من اقوال ابوشعيفان فالمتحد

المتحد في يدين الي عزاويها =لاجاء نهار الرهق ترد للتالي
وبناته السمر ماهديها ولااسخيها=الى لمثلك رفيق(ن) طيبأ غالي

.
.

المتحده الصغيره لها صولات وجولات ميادين الهجن فالخليج

وتنومس راعيها ومتابعينها وتنومسنا جميعأ .. قال فيها ابوشعيفان بعد بيعها

الله يجيرك من الصادوف والسيه=يامنومسة راس بايعها وشاريها
كمت ثناي الجزيرة فالسعوديه=وشاخت بحيل الجزيرة عند راعيها
ساقو عليها من العيرات عمليه=مثبت(ن) فعل حاضرها وماضيها
قمريت(ن) وسقوها فرخ بحريه=واومت عليها لاكن عجزت مواميها
ماهيب هاذي ردية لاكن ذي عيه=تتعب نهار الممارى من يماريها
سمرأ على الشمس لمعتها برنزيه=كنك بلون الذهب والمسك طاليها
ان جيتها من قفوها هزعأ جماليه=ومن قدم جيد المهاه وركزت يديها
تفرق على الهجن لاقفت بماريه=هزعا وكن رجلها اليمنى تباريها
لو ساقها حطمت وقت العمانيه=لاشك له نية(ن) بدبي ناويها
مدرب العصر طيب الذكر والنيه=ياسعد عين السبوق الي يمطيها
وهي عند اهلها ولاكن كنها ليه=احبها ولاكن غلاها من غلا ابيها

.
.
وهاذا مقطع للمتحده
.
.

هاذا كل مافي جعبتي من معلومات عن الشيخ مسلط بن شعيفان وهجنه الاصايل


.

.


للأمانه ليست هاذه فقط هجن ابوشعيفان له الكثير من الهجن

الي يملكها حاليأ لاكن هاذا ما استطعت الحصول عليه من معلومات

اتمنى من الاخوان الذين لديهم اضافات ان يتحفونا بها

واتمنى ان يكون هاذا الموضوع متجدد ..


...//ان اخطأت فمني ومن الشيطان وان اصبت فمن الله **

دمتم بود

[الساهر]

يستــاهــل أبـو شعيفـان ..
ويعطيــك العافيـه أخويGazaz ..

[مطلق ابوثنـين]

الشقردي / قـزاز .. دائماً تتحفنـا بمواضيع مميـزه , نبذه رائـعه عـن هجـن ابوشعيفـان ..
يعطيك العـافيـه , ويستـاهل المسمّــار بعد اذن الاخـوان ..

[][مرررجووج بيــه][]

يعـطيك العآفيـه قزآز ع مجهودآتـك,,

ويستآآهل آبوشعيفآن كل خيرر

[ابن بداح]

استاذ // قزاز


الف شكر على طرح هذا الاسم الغالي على قلبي وعلى الكثير من الناس اللي يعرفونه ...



مســـلط بن شعيفان



علم من اعلام الرجوله والشهامه والاصاله والشعر

واقتناء الاصائل من الهجن


وجميع مفاخر التراث والعلم الغانم موجوده عند ابو شعيفان


هو الآن في الإمارات ينافس على المراكز الاولى .. بالهجن الاصيله ..



الله يرده سالم ويطول بعمره



اهديه ازكـــى تحيه وسلام من هنا من موقع سبيع


وهو عارف قيمته في نفسي وتقديره عندي ..



تحياتي لك وللشيخ / مسلط الازمع .

مفرح بن بداح

[سمــّـــو الأمــيــر]

يعطيك العافيه أخوي Gazaz

ويستاهل أبو شعيفان..

[Gazzaz]

ماعليك زود يالساهر

ومشكووور على مرورك الجميل

[Gazzaz]

بق بوس

لاهنت يامشرفنا الغالي ع التثبيت .. شكرأ لك

[Gazzaz]

هلابك يامرجوج بيه منور بحضورك يالغالي

يستاهل ابوشعيفان