شكرا اخوي على الموضوع الطيب
والطيب ما يجي منه الا طيب
هي قصيدةبن عينان مع العلم اني شلت الابيات الاوله لكي استشهد على موضوعك
ومراجل الاوليـن الهـا بواقـي**لها في (مسلط) عـروق وبقايـا
ورث مـن دم جدّانـه فصيلـه**ودم الطيـب للطـيّـب وقـايـا
خلايـا دم أبــوه ودم جــدّه**وخذا مـن خالـه لدمـه خلايـا
وتطابـق دم جـدانـه ودمّــه**وزادت فـي مزاياهـا المزايـا
جمعها شيخ وحنـاب ومعرفـه**وجزاله فـي العطايـا والهدايـا
كريـم الجـاه مايبخـل بجاهـه**ليـا نبّـه مـن الداعـي نبايـا
فرج من صكّتـه غبـر الليالـي**مجلّي الهـم مخـلاص القضايـا
هبيل الطيـب وهبالـه شجاعـه**محد سوّى مثـل طيبـه سوايـا
لبسله تاج مـن تـاج المراجـل**وخـلاّ الزاويـه لهـل الزوايـا
مع أوّل صف مقلاطـه وقـدره**ولايقلـط مـع صـف التلايـا
يمثّـل ويـن مايجلـس قبيـلـه**ماهو تمثيـل منشـان الدعايـا
هدفه الطيب ماله قصـد غيـره**ولاله مـن ورى طيبـه نوايـا
ومقر الجود فـي الدنيـا مقـرّه**وملاذ اللي من الطرقـه ونايـا
تعابا والتعـب لحـق الركايـب**وسماريها مـن الممشـا حفايـا
نصوا من يبهج الخاطـر محلّـه**لاجـاه اللـي معازيبـه جفايـا
كرامتهـم مـن اكبـار الذبايـح**وركايبهـم يورّدهـا الركـايـا
ودليلة مجلسـه ضـو المنـاره**وصوت النجر تسبقـه التحايـا
وريـح الهيـل والبـن اليمانـي**من أغلا نوع في اسواق الغلايـا
علشان الضرم يقطـع عروقـه**ليا صك الخـوى روس الخوايـا
نفاد الكبـش والحاشـي عدامـه**وكبير صحون وصحونه ملايـا
عدو البخل وصحيـب المكـارم**وبه من حاتـم الطائـي حلايـا
ولايعقـد مـن الدنيـا حجاجـه**ولو كاويـه مـن وقتـه كوايـا
بعيد السـد وبعيـد الحضايـب**ومنازله العـلاه مـن الوطايـا
عزيز النفس مايرضى الاهانـه**ولايجلـس مجاليـس الدنـايـا
وهواياتـه هوايـات الرجـولـه**يعشق الطيـر ويحـب المطايـا
قنص في اغلا الطيور وصاد فيه**اوسبق (بالمتحد) عوص النضايا
ينومسنا قعـوده فـي المسابـق**ليـا كثـر المجـادل والمعايـا
مراكيضه مـن أوّلهـا تنومـس**من أوّل من كسـر تيـم اللقايـا
ولطم شوط التحدي في الرئيسي**وخذا الناموس في شوط الثنايـا
يخالط لـون راسـه زعفرانـه**وتغني عـن جوايـزه الصدايـا
مزعّل كل مـن رشّـح قعـوده**يالين يباع في سـوق الضحايـا
ويكفّي مسلـط النامـوس منّـه**وتموت من الوشايـات الوشايـا
ومالوم الشعر في مسلط وذكـره**محد سوّى مثـل طيبـه سوايـا
خذا الناموس في اعلوم النشامـا**وخذا الناموس في سباق المطايا
ورفع هامة قصيدي فـي مجالـه**وهذا الظن في الـروس العلايـا
الإهداءات
ي على هذا التصميم
العرض العادي
